COVID 19 
Eskolaz-kanpoko orduetan kasu positiboa egon dela ikastolari adierazteko telefono hauetara deitu. / Teléfonos de contacto con la ikastola, fuera del horario escolar, en caso de positivo en COVID. 682 444 658 - 605 758 064

2021-2021 ikasturte hasiera

Eguraldi eguzkitsuak lagunduta hasi dugu 2021-2022 ikasturtea, gogotsu. Aspaldi ikusi gabeko lagunekin, irakasleekin eta lankideekin elkartu gara berriz eta oso pozik gaude. Asko dugu elkarri kontatzeko eta elkarrekin ikasteko! 

Ekin diezaiogun, ba!

 

Curso 2020-2021

Ha sido un curso peculiar y, aún así, no nos hemos quedado de brazos cruzados y hemos pasado un gran curso juntos. Todos los días hemos aprendido algo. Además, hemos conseguido unos resultados de los que estar orgullosos, tanto en el ámbito académico como fuera de él. Observando y analizando la naturaleza, hemos seguido ligados a ella, nos hemos dedicado a cantar y bailar y a emprender nuevos proyectos.

 

En el siguiente vídeo repasamos el curso 2020-2021. ¡Esperamos que os guste!

Aunque parece que la situación se va aliviando, de cara a la planificación del próximo curso, el nivel de inestabilidad sigue siendo alto y por eso no podemos hacer demasiadas previsiones. Por ello, queremos recordaos que seguiremos apostando por la transparencia para que nuestra comunicación se mantenga estable. A finales de agosto os comunicaremos las decisiones que se tomarán, mientras tanto, pasad un buen verano y cuidaos.

Ibilbide baten amaiera

Bukatu dute DBH 4. maila eta beste bidaia bati ekingo diote 2020-2021 promozioko ikasleek. Ezohiko ikasturte batean egokitu zaie agurra, segurtasun distantzia eta musukoak nagusitu diren garaian hain zuzen, baina argi utzi nahi diegu, ospatu gabe utzi dituztenak ospatzeko -edo beste edozertarako-, beso zabalik hartuko ditugula etorkizunean. 

Asko txiki-txikitatik hazi eta hezi dira Herri Ametsa ikastolan, beste batzuk beranduago batu dira eta, egun, gure familia handiaren parte dira denak.

Karlos Ibarzabal zuzendariak gidatutako agur ekitaldian euren ibilbidea laburtzen duen argazki eta bideo bilduma ikusi dute eta opari gisa jaso, beste oroigarri batekin batera. Ondorengo bideoak aipatu saio berezia laburtzen du.

Zorterik onena opa dizuegu, zorionak!

 

Etorkizuneko loreak

Ikastolako azken egunean zenbat eta zenbat emozio azaleratzen diren. Ezinbestean, atzera begiratzen dugu, baina batez ere zain dugun udan dugu begirada iltzatuta; etorkizunean. 

LH 5. maila bukatu berri duten Amets, Indara eta Maddik egin bezala, amesteko gonbita luzatu nahi dizugu bideo honen bitartez: nolakoa izango da nire bizitza 30 urte barru? Edo hain urrutira joan beharrik gabe, nolakoak izango dira nire oporrak? Zer egitea gustatuko litzaidake? 

Etorkizunean, irailean, ikusiko dugu elkar. Bitartean, amestu, izan ausart eta gozatu!

 

Kidetza proiektua

DBH 4ko eta LH 1eko ikasleen arteko proiektua da Kidetza. Iazko ikasturteko itxialdian zehar identifikatutako beharretatik jaio zen eta aurtengo ikasturtean praktikan jarri da; Lehen Hezkuntzako txikienek bidelagun izan dituzte ikastolako ikasle helduenak.

 

 

Covid 19ak eragindako pandemiak ekarpen positiboak ere egin dizkigula islatu nahi dugu erreportaje honetan. Horien artean, Kidetza proiektua. Izan ere, muturreko egoeren aurrean berrasmatu behar izaten dugula eta, zenbaitetan geratzeko modukoak diren ekimenak sortzen dira. Horrez gain, ederki islatzen du ikastolako leloa ekimen honek. Ikastola txikia izanik ere, familia handia gara. 

 

Musika Jaialdia 2020-2021 bideoan

Emanaldi seinalatua izaten da gurean Musika Jaialdia, jende ugari biltzen gara ikasleen musikari dohainez gozatzera eta ederki pasatzen dugu! 

Aurten, ekitaldi jendetsurik egin ezin dugunez, bideo bidezko emanaldia prestatu dugu haurreskolatik hasi eta LH 6. mailarainoko ikasleen parte hartzearekin. 

Haur Hezkuntzako ikasleak kantuan aritu dira, LH 1, 2 eta 3.mailakoek, gelaka, haiek aukeratutako kanta baten koreografia prestatu dute eta, azkenik, LH 4, 5 eta 6. mailakoak, gustuko doinu bat oinarri hartuta, letragile lanetan aritu dira, gero abesteko.  

Aldez edo moldez, kantuan eta dantzan jarraituko dugu! Igo bolumena, sakatu play eta has dadila emanaldia!

Vacuna emocional

La educadora de Comunicación No Vulnerable Nerea Mendizabal ofreció el 11 de mayo una charla online dirigida a padres, madres y educadores que acompañan a niños y jóvenes. Contó con una amplia participación y una valoración muy positiva por parte de los asistentes. A partir de hoy está disponible la grabación del programa para toda persona interesada en la lista de reproducción “Hitzaldiak” del canal de Youtube de Herri Ametsa.

 

 

La charla se titula Vacunación Emocional, ya que pone el foco en la explosión emocional que la emergencia sanitaria provocada por el COVID-19 ha provocado en nuestras vidas. ¿Cómo cuidar a uno mismo y a los demás cuando la incertidumbre y los conflictos están a flor de piel? Pues bien, escuchando las emociones y cultivando el respeto hacia los demás podemos despejar el camino, cada cual a su manera.

 

Mendizabal, desde la perspectiva de la Comunicación No Viva y ofreciendo la posibilidad de hacer preguntas, ha ofrecido en su conferencia varias claves para contagiar confianza, alegría, esperanza y amor en la "pandemia del miedo".

 

Ekaineko emozioa: ausardia

Ikasturtea bukatzear da eta beste hainbeste abentura hastear. Azken horiengan jarriko dugu fokua ikasturteko azken Emozioen Erronkan. Ekaineko emozioa AUSARDIA izango da, aurrera indartsu egiten laguntzen digun emozioa.

Oraingo honetan zuen etorkizun labur, ertain edo urruneko ilusioen berri jakin nahi dugu. Zertan lagunduko zaituzte ausardiak udan? Eta datorren ikasturteari begira? Kezkatzen zaituzten zerbait al dago? Eta irrikaz espero duzuenik?

Bidali zuen etorkizuneko erronkak Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera edo partekatu sare sozialetan #HerriAmetsaAusart traola erabilita. Jasotako erantzunen artean ausardiaz betetako bilduma osatuko dugu!

 

Tokiko natur zaindari gara

Herri Ametsa ikastola “tokiko natur zaindaria” da, urtero inguruko eremuan hondakin bilketa egiteko konpromisoa hartzen baitu. Aurten Plastifisharen Kostera proiektuan parte hartu du, zeinak helburu duen herritarrak ingurumenaren kontserbazio aktiboan inplikatzea. 

Mater museoak, Gipuzkoako Aldundiak eta Ternuak antolatutako ekimenaren lehen edizio honetan Gipuzkoako 6 arro nagusien inguruko 10 udalerritako 2023 pertsonek hartu dute parte. Egindako 45 bilketen artean, 1800kg hondakin jaso dira, Bigarren Hezkuntzako 8 ikastetxeetako gazteek sortutako 112 proiektu garatu dira, herritarren 4 tokiko ekopatruila sortu dira prestakuntza tailerren ondorioz eta 6 sentsibilizazio tailer ere egin dira Pasaiako badiako 10 itsas eragileekin.

Amaiera ekitaldia Donostiako Kursaal jauregian egin zen eta bertan izan zen Herri Ametsako ordezkaritza. “Tokiko natur zaindari” eskola aintzatespena eman ziguten, hori posible egin duen komunitatearen lana aitortuz.

Izan ere, Herri Ametsan, gure ingurua garbitzeko irteerak antolatu ohi ditugu. Goiko irudia ikastola ondoan dagoen Ilurgita edo Murgita senadira jeitsi ginenekoa da. Egun bikaina izan zen, senadiko zaborra jasotzen lagundu ziguten guraso batzuen laguntza izateaz gain, uraren kalitatea, fauna, flora, gizakien arrastorik ba ote zegoen, etab. neurtzeko azterketak burutu genituen. 

Plastifishaz gehiago jakiteko, egin klik hemen.

Bizitzak salbatzen jakitearen garrantzia

Maiatzaren 27a, European Society for Emergency Medicine (EUSEM)-k bultzatuta, Larrialdietako Medikuntzaren Eguna da eta SEMES EUSKADI elkartetik larrialdietako espezialitatea aldarrikatzeko baliatu dute eguna Zure segurtasuna, gure espezialitatea lelopean. Izan ere, Europa mailan, Iberiar Penintsulako herrialdeak dira larrialdi eta emergientziako espezialitatea ez duten bakarrak. 

Testuinguru horretan, HHko ikasleek lehen sorospenen inguruko oinarrizko ikasketak jaso dituzte DYAko langile eta guraso den Roi Vega eta Cristinaren eskutik. 

112 telefonoa memorian ondo gorde eta bihotz-masajea nola egin ikasteaz gain, honako bideoa ere ikusi dute saioan.

 

Mendiola Urmaela bidelagun

Urmaela ere badugu Herri Ametsako inguru paregabean; Mendiola Urmaela. 

Sekulako altxorra da hainbat alderditatik erreparatuta, izan ere, naturarentzat onuragarria izateaz gain, baliabide didaktiko gisa erabiltzeko oso aproposa da. LH 5. mailako Oihane Alkorta irakasleak adierazi bezala, “laborategi natural txiki bat ikastolan”. Ikasleei esperimentazio bidez ikasteko aukera eskaintzen die Urmaelak, gainera, bizi dugun bizitza azkar eta bat-batekoan, naturaren erritmora egokituz, lasaitasunez behatu ahal izatea aberasgarria da. Naroa Lopez eta Zuriñe Arbina ikasleek ederki adierazi dizkigute orain arte ikasitakoak! 

Urmaela Eskolan 

Aranzadi Zientzia elkarteak Eskoletako Urmaelen Sarea osatu du, eskola inguruan urmaela edo putzua duten eta eremu hori erabilera didaktikorako erabiltzen duten Euskal Herriko ikastetxeen sarea alegia eta Herri Ametsa ikastola bertako partaide da.

 

 

Erleen Nazioarteko Eguna

Polinizatzaileen garrantzia, jasaten dituzten mehatxuak eta garapen jasangarriari egiten dioten ekarpena ezagutarazteko, Nazio Batuen Erakundeak  (NBE) Erlearen Nazioarteko Eguna izendatu zuen maiatzaren 20a.

Erleak aspaldidanik ditu lagun Bidatz Sasiainek (Gipuzkoako Erlezain Elkarteko kideak), eta beraiei buruzko saioa eskeini die gure 5 urteko lagunei. Erleen ezagutzarako sentsibilizazio jardunaldian, erleek sorturiko argizariarekin kandelak sortu, euren eztia dastatu eta, gainera, aurrez aurre erleak ikusi ahal izan dituzte gure txikienek. Argazki gehiago ikusteko, klikatu hemen.

Adituak, ikastaroak eskaintzeaz gain, Osabi Naturala deituriko kosmetika eta produktu naturalen laborategia du Tolosan. Etxeko erlauntzetako produktuak eta landare jatorriko osagai naturalak maitasun eta mimo handiz zaindu ondoren, aukeratutako osagaiak artisau moduan eraldatzen ditu. Tolosa Bizziz (Tolosa), Kool Studio (Lasarte) edota Aikur Natur dendan (Alegi) topatuko dituzu Osabi Naturala laborategian ekoitzitako produktuak, hala nola: propolia, eztia, desodorantea, eskutarako krema...

Maiatzeko emozioa: maitemina

Nahigabea eta gorrotoa bezalako emozioak atzean utzita, maiteminaren txanda izango da maiatzean. 

Zer da eta zer ez da maitemina? Galdera horren bueltan arituko gara urteko bostgarren hilabetean zehar. Izan ere, hasiera batean sakona bezain polita dirudiena, gaiztotu ere egin daiteke eta horregatik nahi izan dugu azpimarra harreman osasuntsuetan jarri. Maiteminak, beste emozio guztiek bezalaxe, osasuntsua izan behar duelako. 

Baina zer da maitemin edo harreman osasuntsu bat? Galdera horri erantzuna eman nahi diogu zuen parte hartzearen bidez. Hainbat modutan gauzatuko dugu parte hartzea. 

Batetik, sareen bidez. Nahi duen orori zuzenduta egongo da eta maitemina islatzen duen uneren bat irudikatuko duen marrazki, argazki, bideo zein testu bat bidaltzeko edo partekatzeko eskatuko dizuegu. Partekatzeko, #herriametsamaiteminduta da hilabete honetarako sortu dugun traola eta zuen ekarpenak bidaltzeko Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidea erabil dezakezue. 

Bestetik, ikasgeletan. DBHko ikasleekin egingo dugu maiteminaren bueltako hausnarketa. Nerabezaroan pisu handia duen emozioa dela kontuan hartuta, garrantzitsua iruditu zaigu gela barruan ere kontuan hartzea. 

Hilabete amaieran, ekarpen guztiak batu eta aztertu ondoren argitaratuko dugu emaitza. Gogoan izan, zuen parte hartzea zenbat eta handiagoa izan, orduan eta nabarmenagoa izango dela sortuko dugun kontzientziazioa ere!

Bertsoak gorrotoari

Apirilean zehar gorrotoari heldu diogu Emozioen Erronkan eta, nahiz eta ez den erraza horren inguruan hausnartu eta kudeaketa positibo bat egitea, doinua jartzera ere animatu gara.

LH6ko ikasleek bertsolaritza saioetan zuek bidalitako argazkiak abiapuntutzat hartu eta honako bertso ederrak sortu dituzte:

 

 

 

Musukoa kalean 

oso aspergarria

ezin arnasik hartu 

itotzen naiz ia.

Ta jartzen ez badugu

dator polizia

egoera benetan 

da harrigarria

 

Sentimendu politak

ditugu inguruan

baina ere badugu

gorroto barruan.

Ta zer da gorrotoa?

ez dakit nola esan

sentimenduen artean 

txarrena munduan.

 

Lagundu laguntxoak

gaizki daudenean,

ez sentitu gaizki ba 

zu hasarretzean.

Ez guri egin mina

gure bihotzean,

guri ez gorrotatu                           

gaizki zaudenean.

 

Hitz egin (e)ta hausnartzea                                             

ez al da berdina 

segimentu hori beti 

egon da egina. 

Gorrotoa izatea

ez da oso arina 

gorrotoa ez baita 

oso atsegina.


 

 
 
 

Koldo Mitxelena literatura lehiaketa 2021

Donostiako ikastetxeetan ikasten ari diren 8-18 urte bitarteko haur eta gazteei zuzendutako literatura lehiaketan Herri Ametsako sei ikaslek aipamena eskuratu dute eta bi izan dira sarituak:

Aipatuak:

Elaia Caballero Matilla LH 3 (Neskatika ausarta, Komikia) 

Uxue Escudero Redondo LH 6 (Konfinamendua, Komikia)

Ander Santiago Sanchez LH 4 (Pepe eta Zero: exploradoreak, Komikia)

Unax Arroniz Burgos DBH 2 (Astronauta, Mikroipuina)

Maya Civantos Etxenike DBH 2 (Erloju misteriotsua, Mikroipuina)

Onintza de Bourthoumieu Gonzalez DBH 4 (Perfektu, Komikia)

Sarituak:

Alazne Martinez Perez DBH 1 (Zer ote da?, Mikroipuina)

Leire Abedul Cano DBH 2 (Egizu Hegan!, Mikroipuina)

 

 

Yolanda Arrieta, Beñat Gaztelumendi, Ana Malagon, Iñaki Martiarena “Mattin”, Inazio Mujika eta Arantxa Urretabizkaiak osatu dute epaimahaia. 

32. edizio hau ere osasun egoerak baldintzatua egongo denez, sari-banaketan aforoa murriztu dute eta saridunak bakarrik egon ahal izango dira ekitaldian alkate, epaimahai, musikari eta aurkezlearekin batera.

Maiatzaren 20ean, osteguna, arratsaldeko 18:30ean egingo da Udaletxeko pleno aretoan. Familiek eta eskolek streaming bidez jarraitzeko aukera izango dute eta gerora, beti bezala, bideoa egongo da zintzilik Euskara Zerbitzuaren orrian.

Sarituak

Leire Abedul. DBH 2.maila

Ez zuen sariduna izatea espero eta uste du “ohikoa ez den gai bat lantzeagatik” hautatu dutela haren lana. “Ezberdina” den mutil bakarti baten istorioa kontatu du Egizu Hegan! izeneko mikroiopuinean; “besteekin harremantzea kosta egiten zaiolako gertatuko zaio gertatuko zaiona”. Ez dugu gehiago kontatuko. 

Leirek lan honekin islatu nahi izan duena da “denak ez garela berdinak eta bakartia izateagatik ez dela inor munstrotzat hartu behar, denak baikara pertsonak”.

Leireren mikroipuina irakurtzeko egin klik hemen

Alazne Martinez. DBH 1. maila

Alaznerentzat ere sorpresa izan da saridunen artean egotea eta, bere kasuan, epahimahaiari gehien gustatu zaiona amaiera izan dela pentsatzen du. Saritutako mikroipuinean neska batengan jarri du fokua Alaznek, “logela beltz batean dagoen bitartean gertatzen zaiona kontatuko du”. Zer ote da?, hala dio izenburuak.

Alaznek kontatu digu gustatzen zaiola irakurtzea eta filmak edo telesailak ikustea. “Liburu bat gustoko badut, segituan bukatu ohi dut”, aitortu digu. Generoari erreparatuta, komediak, erromantikoak edota akziozko filmak gustatzen zaizkio. Liburuen kasuan, misteriozkoak gustatzen zaizkio gehien. Idaztea ere maite du Alaznek, “barrua husteko” balio diola kontatu digu eta “lotara joan aurretik” idatzi ohi duela etxean; “batzuetan irakurri eta bestetan idatzi egiten dut”. 

Alazneren mikroipuina irakurtzeko egin klik hemen.

 

Kilometroak 2021 venta de ropa

Ya está en marcha la campaña de venta de ropa del Kilometroak, fiesta a favor de las ikastolas guipuzcoanas. Este año se reducirá a quince días, es decir, las compras solo se podrán realizar del 28 de abril al 10 de mayo, no habrá otra opción. 

Puedes hacer tu solicitud a través del siguiente enlace: kilometroak.eus/denda. Cada persona recibirá su pedido en su ikastola. 

Batera, bagara, bat gara

Ese es el lema de la celebración de este 2021. Batera (unidos); representa la unidad de las ikastolas, y no solo las de Gipuzkoa, sino las de toda Euskal Herria. Bagara (somos); reivindicación de nuestra identidad, que a su vez representa la unidad. Juntos somos, si no, no somos. Bat gara (somos uno); un modelo único, un modelo educativo propio en los siete territorios de Euskal Herria. Porque nuestras ikastolas son parte del todo.

 

Este año la fiesta del Kilometroak la organizarán tres ikastolas de la comarca de Goierri: Jakintza de Ordizia, Andramendi de Beasain y San Benito de Lazkao. No son tiempos de macrofiestas y grandes grupos de gente, pero manteniendo nuestra tradición de auto-organización y trabajo en equipo, las Ikastolas de Gipuzkoa nos hemos comprometido a sacar adelante la fiesta Kilometroak de este año, que tendrá lugar el 3 de octubre.

 

Además, este año se prestará especial atención al euskera y a la cultura vasca. Creemos que nuestra cultura y lengua necesitan espacios. Espacios que ocuparán personas de todas las edades y el Kilometroak de este 2021 será uno de ellos.

 
 

Euskal Dantza Plazara!

Herri Ametsa Ikastolak martxan jarri duen ekimena da Euskal Dantza Plazara! Euskara eta euskal kultura ditu ardatz eta apiriletik aurrera kurrikulumean txertatua egongo da. Hots, HH, LH eta DBHko ikasle guztiek hartuko dute parte i(ra)kasorduetan. Ez hori bakarrik, familiei eta interesa duen orori ere zuzenduta dago. 

Horretarako, txalentx bat jarri dugu martxan: ikasleek ikastolan ikasitako dantzak etxekoei erakutsi beharko dizkiete. Ondoren, familiakoekin batera dantzak ikasitakoan, nahi duenak bideo bat grabatu eta Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera bidaliko du. Hartara, jasotako grabaketekin bideo eder bat sortu ahal izango dugu. 

Enekok lagunduko digu prozesu osoan zehar. Egin klik ondorengo bideoan Eneko bera eta txalentxaren nondik norakoak hobeto ezagutzeko.  

Bideo guztiak gure Youtubeko kanalean bilduko ditugu Euskal Dantza Plazara! izeneko zerrendan.

 

Eman izena Zirimolak antolatutako udalekuetan

Urtero bezala aurten ere Zirimola Ikastolen Aisialdi Taldeak udalekuak antolatuko ditu. Urteetako esperientzia baliatuz, uda honetan haur eta gazteek behar eta merezi duten programazioa landu dute, aurtengo egoerak eskatzen dituen segurtasun neurriak bermatuta.

Euskal Herri osora irekitzen diren udalekuak dira hemen aurkeztutakoak. Eskaintza askotarikoa izateko asmoz, udaleku eta egonaldi batzuk egokitu ditugu, baita berriak sortu ere. Egonaldi bakoitzak eskaintzen dituen berezitasunez gain, denek dute helburu bera: Euskal Herriko haur eta gazteen topagune izatea. Naturaz gozatzeko, lagun berriak egiteko, Euskal Herriko txokoak ezagutzeko eta euskaraz gozatzeko plan aproposa. 

Udalekuen informazio gehiago hemen aurkituko duzue. Online bakarrik egingo den izen ematea zabalik dago maiatzaren 17ra arte.

 

Haur eskolako matrikulazioa zabalik

2021-2022 ikasturtean gure familiara batu nahi baduzu, hauxe duzu aukera. 2019, 2020 eta 2021. urteetan jaiotako 0, 1 eta 2 urte bitarteko haurrei zuzenduta, zabalik da Herri Ametsa ikastolako haurreskolan izen emateko epea. Ikastolako idazkaritzan aurkeztu beharko duzu dokumentazioa eta bertan emango dizugu bete beharreko inskripzio orria. Klikatu hemen entregatzeko agiriak kontsultatzeko. Informazio gehiagorako deitu 943 39 35 20 telefonora edo idatzi Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera. 

Hezkuntza integrala dugu oinarri gurean, euskara eta euskal kultura ardatz eta inguru paregabean gainera! Gure berri gehiago jakiteko, webgunean topatuko duzu informazio zabalagoa. 

 

Morez zipriztinduta eta batuta

Emakumeen Nazioarteko Eguna batuta eta hausnarketan pasa dugu Herri Ametsan. 

Ikastolako txikienek martxoak 8a kartel batean jaso eta eskuz esku osatu dute, kolore morea lagun. Horrez gain, ipuinak ere baliatuko dituzte emakumeen eskubideen alde egiteko. LHko ikasleek, berriz, beren bizitzako emakume esanguratsuenei errekonozimendua egingo diete, non amen papera nabarmendu den.

Hemen topatuko dituzu Emakumeen Nazioarteko Eguna ospatzeko egindako jardueren argazki gehiago. 

 

 
Uso de cookies

Utilizamos cookies propias y de terceros para permitir tu navegación, analizar nuestros servicios y para fines analíticos mediante el análisis de tus datos de navegación. Clica aquí para acceder a nuestra Política de Cookies. Puedes aceptar todas las cookies seleccionadas pulsando el botón “ACEPTAR” o configurar o rechazar su uso seleccionando la casilla de cada tipo de Cookie.

Cookies técnicos Cookies de personalización Cookies analíticos Cookies publicitarios